२०८१ असार ३, आईतबार
Health Aawaj logo
गृहपृष्ठसमाचारअनलाइन फार्मेसीको नाममा औषधी विक्रीवितरण बन्द गर्न सरकारको निर्देशन

अनलाइन फार्मेसीको नाममा औषधी विक्रीवितरण बन्द गर्न सरकारको निर्देशन


काठमाडौं– सरकारले अनलाइन फार्मेसीको नाममा अनलाइनमार्फत भइरहेको औषधी विक्रीवितरण तत्काल बन्द गर्न निर्देशन दिएको छ। सामाजिक संजाल,  अनलाइनमार्फत गैरकानूनी रूपमा औषधी बिक्री वितरण गर्न नहुने भन्दै औषधी व्यवस्था विभागले निर्देशन दिएको हो।

उक्त निर्देशन नमान्ने माथि कारवाही गर्ने विभागले चेतावनी दिएको छ।

विभागका अनुसार औषधीहरूको विज्ञापन गर्नुपूर्व औषधी ऐनको दफा १९ बमोजिम विभागबाट पूर्वअनुमति लिनुपर्ने स्पष्ट कानुनी व्यवस्था रहेको समेत उल्लेख गरेको छ।

अनलाइन फार्मेसीको नाममा भ्रामक प्रचार-प्रसार गरी औषधीको मुल्यमा छुटजस्ता प्रलोभन देखाएर बिक्री वितरण गरेको पाइएकोले  औषधीहरूको सुरक्षित, गुणस्तरीयता तथा प्रभावकारिता सम्बन्धमा सम्बन्धित उपभोक्ता आफैं जिम्मेवार हुनुपर्ने पनि विभागले जनाएको छ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ