जिडिपीमा स्वास्थ्यको योगदान बढ्दो

काठमाडौं—देशको कुल ग्राहस्थ उत्पादनमा स्वास्थ्य क्षेत्रको योग्दान बढ्दैं गएको पाइएको छ । राष्ट्रिय तथ्यांक विभागले प्रत्येक वर्ष सार्वजनिक गर्ने तथ्यांकअनुसार पछिल्लो ८ वर्षमा स्वास्थ्य क्षेत्रको योगदान बढ्दैं गएको देखाएको हो ।

विभागले सार्वजनिक गरेको तथ्यांकअनुसार अघिल्लो आर्थिक वर्ष २०७६/७७ मा मात्र स्वास्थ्य क्षेत्रको योगदान ७ दशमलव शुन्य ७ प्रतिशत रहेको छ । जबकी ८ वर्ष (०६९–०७०) अघि यो प्रतिशत ४ दशमलव ४८ प्रतिशत रहेको थियो ।

आर्थिक वर्ष ०७०–७१ मा ४ दशमलव ५ प्रतिशत थियो भने ०७१–०७२ मा एकैपटक ११ दशमलव ३७ पुगेको थियो ।

तथ्यांकमा अपत्यारिलो कुरा त के छ भने ०७२–०७३ मा ७ प्रतिशतभन्दा बढी घटेर ३ दशमलव २५ मा झरेको देखिन्छ । त्यसपछिका वर्षमा भने सामान्य घटबड भएको पाइएको छ ।

०७३–०७४ मा बढेर ७ दशमलव ३४ प्रतिशत, ०७४–०७५ मा ६ दशमलव ३३ प्रतिशत, ०७५–०७६ मा ६ दशमलव ७५ प्रतिशत पुगेको छ ।