काठमाडौं—त्रिवि शिक्षण अस्पतालमा १२ वेड अत्याधुनिक आईसीयु कक्ष थपिएको छ । थपिएका आईसीयुको कक्षकोे त्रिविका उपकुलपति प्रा.डा. धर्माकान्त बास्कोटाले मंगलवार उद्घाटन गरेका हुन् ।
छुट्टाछुट्टै क्याविन रहेकोको आईसीयुमा क्याविन भित्रको हावा समेत बाहिर नजाने प्रविधी जडान गरिएको अस्पतालका निर्देशक प्रा.डा. दिनेश काफ्लेले जानकारी दिए । ‘यो अत्याधुनिक आईसीयु हो,’ उनले भने, ‘एउटा क्याविनमा फेरेको स्वास त्यहाँबाट बाहिर जान नसक्ने प्रविधी छ ।’ यस्तो प्रविधिले गर्दा एक जना बिरामीमा भएको संक्रमण अर्को बिरामीमा सर्ने सम्भावना नहुने उनको भनाइ छ ।
त्रिवि शिक्षण अस्पतालमा यसअघि आईसीयु ए मा ११ बेड संचालन रहँदैं आएका थिए । १२ अत्याधुनिक आईसीयु वेडको कक्ष थपिएसँगै अब २ वटा आईसीयु कक्ष भएका छन् ।
त्यसबाहेक मेडिसिन विभागमा ६ बेड र वाल विभागमा ५ वेड आईसीयु संचालनमा रहेको अस्पतालका सूचना अधिकारी राम विक्रम अधिकारीले जानकारी दिए । ‘अब जम्मा ३४ वेड आईसीयु पुगेको छ,’ उनले भने, ‘आईसीयु चाहिने बिरामीका लागि राहत हुन्छ, तथापि त्रिवी अस्पतालमा अझै पुगेको भने छैन ।’
