२०७८ असार ७, सोमबार
Health Aawaj logo
गृहपृष्ठसमाचारमास्क नलगाउनेलाई प्रहरीले नियन्त्रणमा लिदैं, होल्डिङ जोनमा राखेर क्लास दिएपछि मात्रै छाडिने

मास्क नलगाउनेलाई प्रहरीले नियन्त्रणमा लिदैं, होल्डिङ जोनमा राखेर क्लास दिएपछि मात्रै छाडिने


काठमाडौं—मास्क नलगाउनेलाई काठमाडौं प्रहरीले नियन्त्रणमा लिएर सचेतना क्लास दिएर पठाउन थालेको छ । कोभिड—१९ को संक्रमण उच्च बनेपनि मानिसहरु मास्क नलगाएर हिड्ने एवं मास्क नाकमुनि र चिउडोमा लगाएर हिड्न थालेपछि प्रहरीले नियन्त्रणमा लिएर सचेतना दिन थालेको हो ।

काठमाडौं प्रहरीका प्रमुख एसएसपी अशोक सिंहले मास्क नलगाएर हिड्नेलाई नियन्त्रणमा लिएर प्रहरीले होल्डिङ जोनमा राखेर सचेतना दिन थालेको बताए । ‘हामीले माइकिङ त गरि नै रहेका छौं,’ सिंहले हेल्थआवाजसँग भने, ‘मास्क नलगाएर हिड्ने, मास्क नाकमुनि र चिउडोमुनि लगाउनेलाई आजबाट नियन्त्रणमा लिएर सचेतना दिन थालेका छौं ।’

प्रहरीले काठमाडौंका विभिन्न ठाउँमा यस्तो अभियान सुरु गरेको हो । मास्क नलगाउनेलाई नियन्त्रणमा लिएर होल्डिङ सेन्टरमा केही घण्टा राखेर प्रहरीले सचेतना क्लास दिएर पठाउने गरेको छ ।

प्रहरीकाअनुसार विहान १२ बजेसम्म मात्रैं १ हजार भन्दा बढी मास्क नलगाएर हिडडुल गरिरहेका व्यक्तिलाई नियन्त्रणमा लिएर सचेतना क्लास दिएर पठाइएको छ ।

कोरोनाको नयाँ भेरियन्ट तीब्र रुपमा फैलिरहे पनि काठमाडौंमा मास्क लगाउने, सामाजिक दूरी कायम गर्नेलगायतका जनस्वास्थ्यका मापदण्ड पालना हुन सकेको छैन । सार्वजनिक स्थानमा मास्क नलगाउनेहरु समस्या सिर्जना गरेपछि प्रहरीले यस्तो अभियान सुरु गरेको हो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)