काठमाडौं—काठमाडौं उपत्यकामा १ हजार ९ सय १२ सहित ३ हजार ५ सय ५६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा १३ हजार २ सय ९३ नमुना परीक्षण गरिएका ३ हजार ५ सय ५६ जनामा कोरोना संक्रमण पुष्टि भएको हो ।
सबैभन्दा बढी काठमाडौंमा १ हजार ५ सय ६७ जना, ललितपुरमा २ सय २३ जना र भक्तपुरमा १ सय १२ जनामा गरेर काठमाडौँ उपत्यकामा मात्रै १ हजार ४ सय ९८ जनामा कोरोना संक्रमण देखिएको छ ।
यससँगै नेपालमा कोरोना संक्रमण पुष्टि हुने संक्रमितको संख्या ३ लाख ३ हजार ५ सय ६१ पुगेको छ ।
पछिल्लो २४ घण्टामा ३ सय ७८ जना संक्रमित निको भएर घर फर्किएका छन् । अहिलेसम्म नेपालका कोरोना संक्रमणमुक्त हुनेको संख्या २ लाख ७७ हजार ९ सय ५१ पुगेको छ । नेपालमा संक्रमण निको हुने दर ९१.५ प्रतिशत रहेको मन्त्रालयको तथ्यांकमा छ ।
स्वास्थ्य मन्त्रालयका अनुसार पछिल्लो २४ घण्टामा रिपोर्ट प्राप्त भएको मृतक संक्रमितको संख्या १२ रहेको छ । भने, पछिल्लो २४ घण्टामा थप ७ जनाको मृत्यु भएको मन्त्रालयले जनाएको छ ।
यससँगै नेपालमा मृतक संक्रमितको संख्या ३ हजार १ सय ७६ पुगको छ ।
