×
२०७८ वैशाख २३, बिहीबार
×
गृहपृष्ठसमाचारयी हुन् आफ्नै अक्सिजन प्लान्ट भएका देशका २८ अस्पताल, दैनिक उत्पादन गर्न सक्छन् २५४९ सिलिण्डर

यी हुन् आफ्नै अक्सिजन प्लान्ट भएका देशका २८ अस्पताल, दैनिक उत्पादन गर्न सक्छन् २५४९ सिलिण्डर


काठमाडौं—कोभिड—१९ दोस्रो लहर उच्च बनेसँगै देशभर अक्सिजन आपूर्तिलाई लिएर चिन्ताहरु व्यक्त भइरहेका छन् । स्वास्थ्य तथा जनसंख्या मन्त्रालयले संकलन गरेको एक तथ्यांकले भने अहिले नै नेपालमा अक्सिजन सप्लाईलाई लिएर चिन्ता व्यक्त गर्न नपर्ने अवस्था रहेको देखाएको छ ।

देशभरका २८ वटा अस्पतालमा ३० वटा आफ्नै अक्सिजन प्लान्ट रहेको छ । मन्त्रालयका सह-प्रवक्ता डा. समिरकुमार  अधिकारीकाअनुसार त्रिवि शिक्षण अस्पतालमा ३ वटा अक्सिजन प्लान्ट छन् भने धुलिखेल अस्पताल—काठमाडौं युनिभर्सिटी अस्पतालसँग २ वटा अक्सिजन प्लान्ट छन् । अन्य अस्पतालहरुमा एक—एक वटा अक्सिजन प्लान्ट रहेका छन् । जसबाट दैनिक २ हजार ५ सय ४९ सिलिण्डर उत्पादन गर्न सक्ने क्षमता रहेको छ ।

सरकारी अस्पतालमा जम्मा ६ हजार अक्सिजन सिलिण्डर रहेको तथ्यांक स्वास्थ्य मन्त्रालयसँग छ । निजी अक्सिजन प्लान्टले दैनिक ७ देखि ८ हजार सिलिण्डर भर्न सक्ने क्षमता छ । सरकारले अक्सिजनको अभाव नहुने र सिलिण्डर अभाव हुनसक्ने आँकलन गर्दै विदेशबाट सिलिण्डर ल्याउन पहल समेत अगाडि बढाएको छ ।

अस्पतालका आफ्नै अक्सिजन प्लान्टबाहेक विभिन्न अक्सिजन उधोगहरुले पनि अक्सिजन उत्पादन गरिरहेका छन् । नेपालमा अक्सिजन उत्पादन गर्ने उधोग २० वटा रहेका छन् । जसमध्ये काठमाडौंमा उपत्यकामा ८ वटा छन् ।

आफ्नै अक्सिजन प्लान्ट भएका २८अस्पताल

१) बीएण्डसी हस्पिटल, झापा                                                                                          १ अक्सिजन प्लान्ट
२) न्युरो कार्डियो एण्ड मल्टिस्पेशसियालिटी हस्पिटल मोरङ                                                 १ अक्सिजन प्लान्ट
३) धनकुटा हस्पिटल                                                                                                     १ अक्सिजन प्लान्ट
४) नोबेल अस्पताल —विराटनगर                                                                                    १ अक्सिजन प्लान्ट
५) नेशनल मेडिकल कलेज                                                                                            १ अक्सिजन प्लान्ट
६) सिभिल हस्पिटल                                                                                                      १ अक्सिजन प्लान्ट
७) परोपकार प्रसुती गृह                                                                                                 १ अक्सिजन प्लान्ट
८) भरतपुर अस्पताल                                                                                                     १ अक्सिजन प्लान्ट
९. वीरेन्द्र सैनिक अस्पताल                                                                                              १ अक्सिजन प्लान्ट
१०. त्रिशुली अस्पताल                                                                                                     १ अक्सिजन प्लान्ट
११. धादिङ अस्पताल                                                                                                     १ अक्सिजन प्लान्ट
१२. त्रिवि शिक्षण अस्पताल                                                                                              ३ वटा अक्सिजन प्लान्ट
१३. चितवन मेडिकल कलेज                                                                                            १ अक्सिजन प्लान्ट
१४. धुलिखेल अस्पताल—काठमाडौं युनिभर्सिटी अस्पताल                                                     २ वटा अक्सिजन प्लान्ट
१५. अल्का अस्पताल                                                                                                      १ अक्सिजन प्लान्ट
१६. धौलागिरी अस्पताल, बाग्लुङ                                                                                      १ अक्सिजन प्लान्ट
१७. मणिपाल अस्पताल पोखरा                                                                                         १ अक्सिजन प्लान्ट
१८. गण्डकी मेडिकल कलेज पोखरा                                                                                  १ अक्सिजन प्लान्ट
१९. फेवासिटी अस्पताल, पोखरा                                                                                        १ अक्सिजन प्लान्ट
२०. फिस्टेल हस्पिटल, पोखरा                                                                                           १ अक्सिजन प्लान्ट
२१. नेपालगन्ज मेडिकल कलेज, कोहलपुर                                                                          १ अक्सिजन प्लान्ट
२२. लुम्बिनी मेडिकल कलेज, पाल्पा                                                                                   १ अक्सिजन प्लान्ट
२३. युनिभर्सल मेडिकल कलेज, भैरहवा                                                                              १ अक्सिजन प्लान्ट
२४. कर्णाली स्वास्थ्य विज्ञान प्रतिष्ठान जुम्ला                                                                           १ अक्सिजन प्लान्ट
२५. डडेल्धुरा अस्पताल, डडेल्धुरा                                                                                      १ अक्सिजन प्लान्ट
२६. सेती प्रादेशिक अस्पताल, कैलाली                                                                                 १ अक्सिजन प्लान्ट
२८. महाकाली अस्पताल कन्चनपुर                                                                                      १ अक्सिजन प्लान्ट


क्याटेगोरी : समाचार


तपाईको प्रतिक्रिया दिनुहोस


जम्मा संक्रमित (नेपाल)
निको भएको
मृत्यु
जम्मा संक्रमित (विश्व)