देउवालाई मोदीले दिए कोभिड-१९ विरुद्धको भ्याक्सिन उपलब्ध गराउने आश्वासन

काठमाडौं—प्रधानमन्त्री शेरबहादुर देउवालाई भारतीय प्रधानमन्त्री नरेन्द्र मोदीले कोभिड-१९ विरुद्धको भ्याक्सिन उपलब्ध गराउने आश्वासन दिएका छन् । सोमबार प्रधानमन्त्री देउवासँगको टेलिफोन संवादमा मोदी नेपाललाई छिट्टै कोभिड-१९ विरुद्धको भ्याक्सिन आपूर्ति गराउने आश्वासन दिएका हुन् ।

परराष्ट्र मन्त्रालयले टेलिफोन कुराकानीमा मोदीले प्रधानमन्त्री देउवालाई बधाई दिएको र दुई देशको हितका विषयमा कुराकानी भएको जनाएको छ । मन्त्रालयले भनेको छ, ‘नेपाललाई चाँडै कोभिड खोप उपलब्ध गराउने भारतीय प्रधानमन्त्री मोदीको आश्वासन दिनुभएको छ ।’

भारतको सेरम इन्स्टिच्युट अफ इण्डियासँग नेपालले खरिद गरेको २० लाख डोज कोभिशिल्डमध्ये १० लाख खोप आपूर्ति ढिलाइ भएको छ । जसका कारण नेपालमा कोभिशिल्डको पहिलो डोज लगाएकाले दोस्रो डोज लिन पाएका छैनन् ।

In a cordial telephone conversation today, Prime Minister of India @narendramodi congratulated Prime Minister @DeubaSherbdr. The two PMs discussed further strengthening of bilateral relations. PM India assured early supply of COVID Vaccines to Nepal.@PaudyalBR @sewa_lamsal

— MOFA of Nepal 🇳🇵 (@MofaNepal) July 19, 2021