कर्णाली स्वास्थ्य विज्ञान प्रतिष्ठानका उपकुलपतिलाई काम काज गर्न रोक

काठमाडौ–कर्णाली स्वास्थ्य विज्ञानका प्रतिष्ठानका उपकुलपति डा. मंगल रावललाई उपकुलपतिको रुपमा प्रतिष्ठान सम्बन्धी कामकाज गर्न रोक लगाइएको छ ।

सहकुलपतिसमेत रहेका स्वास्थ्य तथा जनसंख्या मन्त्री विरोध खतिवडाले कर्णालीको उपकुलपति नियुक्तिमा अदालतको अन्तरिम आदेश छलेर भएको भन्दै सो फैसला नहुन्जेल काम काज गर्न रोक लगाएका बताए ।

‘अदालतको अन्तरिम आदेश छलेर नियुक्ति गरिएको रहेछ’ खतिवडाले हेल्थआवाजसँग भने, ‘ साे लगायत अन्य विषयकाे पनि अदालतको निर्णय नआउन्जेल कामकाज नगर्नु भनेर निर्देशन दिएको हो ।’