स्वास्थ्य मन्त्रालयले भन्यो, ‘अत्यावश्यक काम नभइ विदेश भ्रमण नगर्नु’

काठमाडौँ – सरकारले अत्यावश्यक काम नभई विदेश भ्रमण नगर्न अपिल गरेको छ। स्वास्थ्य मन्त्रालयले बुधबार विज्ञप्ति जारी गर्दै हालै देखिएको ‘ओमिक्रोन’ भेरियन्टको संक्रमणको जोखिमलाई मध्यनजर गर्दै अत्यावश्यक काम नभई विदेश भ्रमण नगर्न अपिल गरेको हो।

यसको साथै सो भेरियन्टले सबै उमेरवर्गलाई असर गर्ने र बढी संक्रामक भएको हुँदा यसलाई रोक्न सबै सचेत र जिम्मेवार भै जनस्वास्थ्यका मापदण्डको पालना गर्न/गराउनसमेत मन्त्रालयले अनुरोध गरेको छ ।

‘सो भाइरस तीव्र रुपले साउथ अफ्रिका र एशियाली मुलुकहरुमा समेत देखिएको अवस्था छ । विश्व स्वास्थ्य संगठनले यसलाई भेरियन्टनाफ कन्सर्नमा पनि राखेको हुँदा ओमिक्रोन भेरियन्टको आवश्यक निगरानी र परीक्षणको दायरालाई फराकिलो पारिएको छ, ‘मन्त्रालयका सहप्रवक्ता डा. समीरकुमार अधिकारीले जारी गरिएको विज्ञप्तिमा उल्लेख छ।

उनले सो भेरियन्ट नेपालमा प्रवेश हुन नदिन समयमै सावधानी अपनाइ जनजीवनलाई सामान्य राख्न मन्त्रालय तथा सबै निकाय तीव्र रूपमा एकबद्ध भएर काम गरिरहेको जानकारी दिए।