नेपालमा निरन्तर बढ्दै कोभिड केस, एकैदिन १२ हजार बढीमा संक्रमण

काठमाडौँ – थप १२ हजार ३ सय ३८ जनामा कोभिड-१९ संक्रमण पुष्टि भएको छ। स्वास्थ्य मन्त्रालयका अनुसार पछिल्लो २४ घण्टामा थप १२ हजार ३ सय ३८ जनामा संक्रमण पुष्टि भएको हो।

नेपालमा पछिल्लो साता संक्रमण तीव्र रुपले बढ्दै गैरहेको छ।

यस्तै, पछिल्लो २४ घण्टामा ६ सय ४९ संक्रमित निको भएका छन्। ६ जना संक्रमितको मृत्यु भएको छ। यससँगै नेपालमा निको हुने संक्रमितको संख्या ८ लाख १८ हजार ८ सय ९ र मृत्यु हुने संख्या ११ हजार ६ सय ३२ पुगेको छ।

बिहिबार सक्रिय संक्रमितको संख्या ५७ हजार ३ सय २८ पुगेको छ।