नेपालमा एकैदिन ९० जना कोभिड-१९ संक्रमित थपिए

काठमाडौं-नेपालमा कोभिड-१९ संक्रमितको संख्या उकालो लाग्दैं गएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ९० जनामा कोभिड-१९ संक्रमण पुष्टि भएको छ ।

नेपालमा एक दर्जनभन्दा तल झरिसकेको कोभिड-१९ पोजेटिभको संख्या पछिल्लो समय निरन्तर उकालो लाग्दै गएको छ । छिमेकी देश भारतमा कोभिड-१९ संक्रमण उकालो लागेसँगै नेपालमा पनि कोभिड संक्रमण बढ्न थालेको हो ।

मन्त्रालयकाअनुसार नेपालमा सक्रिय संक्रमितको संख्या ४०१ पुगेको छ ।

पछिल्लो २४ घण्टामा २० जना कोभिड-१९ संक्रमित संक्रमणमुक्त भएका छन् । केही समयअघिसम्म खाली भएका आईसीयुमा र भेन्टिलेटरमा क्रमसः बिरामीहरु बढ्न थालेका छन् ।

अहिले आईसीयुमा २ जना र भेन्टिलेटरमा १ जना कोभिड-१९ का गम्भीर संक्रमित बिरामीको उपचार भइरहेको छ ।