प्रथम डेन्टल एक्सपो तथा कन्फ्रेन्स पौष २२ देखी २४ सम्म

काठमाडौ–नेपालमा पहिलोपटक डेन्टल एक्सपो तथा कन्फ्रेन्स हुने भएको छ । २२ पुस देखी ललितपुरको गोदावरीमा तीन दिन उक्त एक्सपो हुने जानकारी दन्त सामाग्री वितरक सङ्घले जनाएको छ ।

पुस २२ देखी २४ सम्म सञ्चालन हुने सो एक्सपोमा ७० भन्दा बढी स्टल रहने र नितमा १०० ब्रान्डका दन्त सम्बन्धी सामाग्री रहने एसोसिएसनका अध्यक्ष शालिकराम अर्यालले जानकारी दिए ।

नेपाल डेन्टल एसोसिएसन सँगको सहकार्यमा हुन लागेको सो एक्सपो सँगै डेण्डल कन्फ्रेन्स समेत राखिएको छ । सो कन्फ्रेन्समा २४ बटा कार्यपत्र प्रस्तुत हुने र १ हजार भन्दा बढी डेन्टल चिकित्सक तथा विद्यार्थीको सहभागिता हुने आयोजकहरूको दाबी छ ।

एक्सपोमा भारत, बंगलादेश, चिन, जापानलगायतका देशमा उत्पादित दन्त सेवा सम्बन्धी सामाग्री प्रदर्शनी हुनेछन् । ललितपुरको गोदावरीमा यही पुस २२ गतेदेखि अन्तर्राष्ट्रिय स्तरको प्रथम डेण्टल एक्स्पो तथा कन्फ्रेन्स (नेपडेण्ट) हुँदैछ ।