आयोगबाट सिट नपाएका सिटीईभिटीका शिक्षण संस्थामा भर्ना हुने विद्यार्थीले मान्यता नपाउने

काठमाडौं—राष्ट्रिय चिकित्सा शिक्षा आयोगले आयोगबाट मान्यता नपाएका शिक्षण संस्था भर्ना हुने विद्यार्थीलाई मान्यता नदिने जनाएको छ । सोमबार आयोगले एक विज्ञप्ती जारी गर्दै प्राविधिक शिक्षा तथा व्यवसायिक तालिम परिषद् (सिटीईभिटी) चिकित्सा शिक्षा प्रमाणपत्र तहका कार्यक्रममा आयोगले सिट संख्या निर्धारण गरेका र दर्ता भएका शिक्षण संस्थामा भर्ना भएका विद्यार्थीलाई मात्रै मान्यता दिने जनाएको हो ।

केही संस्थाले आयोगबाट संस्थागत कार्यक्रमगत रुपमा सिट निर्धारण नभई विद्यार्थी भर्ना प्रक्रिया अगाडि बढाएको जानकारी प्राप्त भएकाले त्यसपछि आयोगले ध्यानाकर्षण भएको जनाएको छ । आयोगले सिट निर्धारण भएका शैक्षिक संस्थामा मात्र विद्यार्थीलाई भर्ना हुन भनेको छ ।

‘यसरी रित नपु¥याइ संस्था तथा कार्यक्रममा विद्यार्थी भर्ना प्रक्रिया अगाडि बढाएमा वा भर्ना गरेमा त्यस्ता विद्यार्थीलाई आयोगले मान्यता नदिने र सम्बन्धित परिषद्मा दर्ता समेत नहुने भएकाले त्यसबाट पर्न जाने असरमा सम्बन्धित पक्ष नै जवाफदेही हुनुपर्ने भएकाले आयोगबाट सिट निर्धारण भएका शिक्षण संस्था तथा कार्यक्रम एकिन गरेर मात्र विद्यार्थी भर्ना गर्न गराउन सम्बन्धित सबै सरोकारवालाहरुको जानकारीका लागि यो विज्ञप्ति प्रकाशित गरिएको छ,’ आयोगले भनेको छ ।