काठमाडौं—ग्याँस विस्फोटनमा परेर गम्भीर घाइते भएका सांसद चन्द्र भण्डारीको स्वास्थ्य क्रमसः सुधार देखिएको छ । मुम्बईस्थिन नेसनल वर्न सेन्टरमा उपचार गराइरहेका भण्डारीको सबै स्वास्थ्य प्यारामिटरहरु नर्मल रहेका छन् ।
बुधबार उनका सहयोगी योगराज कँडेलले भण्डारीको स्वास्थ्य अवस्थाबारे जानकारी दिदैं डा. मुकेश मिश्राले आफूहरुलाई काउन्सिलिङ गरेको बताएका छन् । डा. मिश्रालाई उदृत गर्दै उनले सांसद भण्डारीलाई हिजोसम्म पाइपबाट खाना खुवाइदैं आएकोमा आजबाट ओरल फुडिङ (मुखबाट) खाना खुवाउन सुरु गरिने जानकारी दिए ।
यस्तै, भण्डारीलाई दिइएको अक्सिजनको मात्रा पनि ८ लिटरबाट ६ लिटरमा झारिएको छ भने एण्टीबायोटिकले राम्रो काम गरेकोले इन्फेक्सन एकदमै न्यून भएको छ । उनमा ज्वरो नआएको कारण डराउनुपर्ने अवस्था नरहेको कँडेलले जानकारी दिए ।
एक्सरे भने तलको पुच्छारको भागमा हेजी देखिएको तर पहिलाको तुलनामा कम भएको काउन्सिलिङ डाक्टरले उनलाई गरेका छन् । ‘तर, देखिएको हेजी भाग पूरानो पहिलादेखिको पनि हुन सक्नेसमेत अनुमान गरिएको भन्दै थिए डाक्टरहरु,’ उनले भने ।
चिकित्सकहरुले अबको काम भनेको सांसद भण्डारीलाई इन्फेक्सनबाट बचाउने भएको काउन्सिलिङ गरेका छन् ।
३ फागुनमा सांसद भण्डारी बुद्धनगरस्थित डेरामा ग्याँस विस्फोट हुँदा गम्भीर घाइते भएका थिए । त्यसपछि उनलाई थप उपचारका ४ फागुनमा मुम्बईस्थित नेशनल बर्न सेन्टरमा लगिएको थियो ।
