धरान—धरानस्थित विपी कोइराला स्वास्थ्य विज्ञान प्रतिष्ठानमा विभिन्न जनचेतनामूलक कार्यक्रम गरेर विश्व मुख स्वास्थ्य दिवस मनाइएको छ । आइतबार मार्च २० मा विश्वभर मनाइने मुख स्वास्थ्य दिवस प्रतिष्ठानले विविध कार्यक्रममा साथ मनाइएको हो ।
प्रतिष्ठानको कलेज अफ डेन्टल सर्जरीले सो अवसरमा विभिन्न जनचेतनामूलक कार्यक्रमहरु आयोजना गरेको प्रतिष्ठानकी प्रवक्ता डा. अन्जु प्रधानले जानकारी दिइन् । प्रतिष्ठानको कलेज अफ डेन्टल सर्जरी र नेपाल डेन्टल एशोसिएसन सुनसरी शाखाका विद्यार्थी इकाईले संयुक्त रुपमा आयोजना गरेका उक्त कार्यक्रममा चिकित्सक तथा विद्यार्थीहरुले फोटो, पोष्टर, ई(पोष्टर, भिडियो, आर्टिकलहरु प्रदर्शन गरेका थिए ।
कार्यक्रममा विद्यार्थीहरुले नाटक, फेस पेन्ट तथा फ्ल्याससमेत प्रस्तुत गरेका थिए । कार्यक्रममा प्रतिष्ठानका निमित्त उपकुलपति तथा शिक्षाध्यक्ष प्रा.डा.संजिवकुमार शर्मा, शैक्षिक डिन, प्रा.डा.शिवेन्द्र झा तथा कलेज अफ डेन्टल सर्जरीका चिफ प्रा.डा.आशिष श्रेष्ठलगायत शिक्षक, चिकित्सक, कर्मचारी, विद्यार्थी तथा सर्वसाधारणको उपस्थिती रहेको थियो ।
यस वर्ष विश्व मुख स्वास्थ्य दिवसको ‘आफ्नो्र मुखको स्वास्थ्य माथि गर्व गरौं’ नाराका रहेको थियो ।
