उपचार गर्न गएकी महिलालाई जबरजस्ती करणी गरेको आरोपमा मेडिकल संचालक पक्राउ

धनगढी— उपचारमा गर्न गएकी एक जना महिलालाई बिरामीलाई जबरजस्ती करणी गरेको आरोपमा एक जना मेडिकल संचालक पक्राउ परेका छन् ।

उपचार गर्न गएकी बिरामीलाई जबरजस्ती करणी गरेको आरोपमा कन्चपुर भीमदत्त नगरपालिका—७ हल्दुखालका ४६ वर्षीय हरक सिंह महरालाई पक्राउ गरेको हो ।

मेडिकल संचालक महराले ४५ वर्षीया महिलालाई जबरजस्ती करणी गरेको अभियोगमा सोमबार बिहान पक्राउ गरिएको जिल्ला प्रहरी कार्यालय कञ्चनपुरका डिएसपी प्रकाश डाँगीले जानकारी दिए।

‘खुट्टाको समस्याको कारण उपचार गर्न गएको बेला ती महिलालाई महराले आफ्नै मेडिकलमा जबरजस्ती करणी र कुटपिट गरेको उजुरीपछि पक्राउ गरिएको हो,’ उनले भने।

यस सम्बन्धमा प्रहरीले थप अनुसन्धान गरिरहेको छ।