नेपाल चिकित्सक संघको हेल्थ समिट स्थगित

काठमाडौं– नेपाल चिकित्सक संघ (एनएमए)ले गर्ने भनिएको ‘एनएमए नेशनल हेल्थ समिट २०२३’ हाललाई स्थगित भएको छ । बिहीबार एक सूचना जारी गर्दै एनएमले यही असोज १२ र १३ गतेदेखि सुरु गर्ने भनिएको हेल्थ समिट स्थगित भएको जनाएको हो ।

संघको अर्को सूचना सार्वजनिक नभएसम्मका लागि हाललाई उक्त कार्यक्रम स्थगित गरिएको भन्दै यसबाट पर्न गएको असुविधाप्रति क्षमा याचना गरेको छ ।

उक्त स्वास्थ्य शिखर सम्मेलनको मिति पुनः तय गरी जानकारी गराइने संघका महासचिव डा. सन्जिब तिवारीले बताए ।