स्वास्थ्य मन्त्रालय तानिएका डा. सन्तोषलाई कान्तिमा लखेटियो

काठमाडौं—वीर अस्पतालको निर्देशकबाट हटाएर स्वास्थ्य मन्त्रालय तानिएका डा. सन्तोष पौडेललाई कान्ति बाल अस्पतालमा पठाइएको छ । स्वास्थ्य तथा जनसंख्या मन्त्री मोहनबहादुर बस्नेतले डा. पौडेललाई केही दिनअघि वीर अस्पतालको निर्देशकबाट नियम विपरित हटाएका थिए ।

त्यस विरुद्ध उनी सर्वोच्च अदालत गएका थिए । सर्वोच्च अदालतले बिहीबार सरकारका नाममा कारण देखाउ आदेश दिएको छ ।

कारण देखाउ आदेश दिएको भोलिपल्टै मन्त्रालयबाट डा. पौडेललाई कान्ति बाल अस्पताल पठाइएको हो । वीरमा दरबन्दी रहेका उनलाई बस्नेतले राजनीतिक पूर्वाग्रहका आधारमा कान्ति लखेटेका हुन् ।

शुक्रबार स्वास्थ्य मन्त्री बस्नेतको डा. पौडेललाई कान्तिमा सरुवा गर्ने निर्णयमा स्वास्थ्य मन्त्रालयको प्रशासनतर्फकी सचिव देवकुमारी गुरागाईंले हस्ताक्षर गर्न मानिन् ।

त्यसपछि विमानस्थलमा रहेका स्वास्थ्यतर्फका सचिव डा. रोशन पोखरेललाई बोलाएर उक्त निर्णयमा हस्ताक्षर गर्न लगाइएको थियो ।