क्याबिनेटको सामाजिक समितिको संयोजकमा स्वास्थ्यमन्त्री यादव

काठमाडौं—उपप्रधान र स्वास्थ्य तथा जनसंख्यामन्त्री उपेन्द्र यादवले क्याबिनेटको सामाजिक समितिको कमाण्ड सम्हाल्ने भएका छन् । २८ फागुनको बसेको मन्त्रिपरिषद्को बैठकले मन्त्रिपरिषद्को सामाजिक समितिको संयोजकमा स्वास्थ्यमन्त्री यादवलाई तोकेको हो ।

मन्त्रिपरिषद्का विभिन्न पाँच वटा समितिमध्ये सामाजिक समिति पनि एक हो । क्याबिनेटको सोही बैठकले तीन समितिहरु गठनसमेत गरेको छ ।

राजनीतिक समितिको संयोजकमा प्रधानमन्त्री पुष्पकमल दाहाल छन् । यस्तै, आर्थिक पूर्वाधार समितिको संयोजकमा उपप्रधान र भौतिक पूर्वाधार तथा यातायात मन्त्री रघुवीर महासेठलाई तोकिएको छ ।

विधेयक समितिको संयोजकमा उपप्रधानमन्त्री र गृह मन्त्री रवि लामिछाने, प्रशासन समिति संयोजकमा उपप्रधानमन्त्री र परराष्ट्र मन्त्री नारायणकाजी श्रेष्ठलाई जिम्मेवारी दिइएको छ ।