नवनियुक्त स्वास्थ्य सचिव डा. विकास देवकोटाद्वारा पदबहाली

काठमाडौं—स्वास्थ्य तथा जनसंख्या मन्त्रालयका नवनियुक्त सचिव डा. विकास देवकोटाले पदबहाली गरेका छन् । बिहीबार दिउँसो सचिव देवकोटाले पदबहाली गरेका हुन् ।

बुधबार साँझ बसेको मन्त्रिपरिषद् बैठकले डा. देवकोटालाई स्वास्थ्य सचिवमा नियुक्त गर्ने निर्णय गरेको थियो ।

१२ फागुनमा निवर्तमान स्वास्थ्य सचिव डा. रोशन पोखरेल अनिवार्य अवकासमा गएसँगै स्वास्थ्य सचिव रिक्त रहेको थियो । स्वास्थ्य सचिव नियुक्त हुनुअघि डा. देवकोटा स्वास्थ्य सेवा विभागका महानिर्देशक थिए।

स्वास्थ्य सचिव सिफारिस समितिले १२ औं तहका अतिरिक्त सचिव डा. देवकोटासँगै १२ औं तहकैं अतिरिक्त सचिवद्धय डा. संगीता मिश्रा र डा. टंक बाराकोटीलाई सचिवका लागि सिफारिस गरेको थियो । तीन जनामध्येबाट सरकारले डा. देवकोटालाई स्वास्थ्य सचिव बनाएको हो ।