बाढीका घाइतेहरूको निःशुल्क उपचार गर्ने सरकारको निर्णय

काठमाडौं—सरकारले भोटेकोशीको भिषण बाढीमा परेर घाइते भएकाहरुको निःशुल्क उपचार गर्ने निर्णय गरेको छ । बुधबार बसेको मन्त्रिपरिषद्को आकस्मिक बैठकले स्वास्थ्य मन्त्रालय, नेपाली सेना र सरकारी अस्पतालमार्फत घाइतेहरुको तत्काल निःशुल्क उपचारको व्यवस्था गर्ने निर्णय गरेको हो ।

‘उक्त घटनामा घाइते भएका व्यक्तिहरुको तत्काल निःशुल्क स्वास्थ्य उपचारको व्यवस्था स्वास्थ्य तथा खाद्य स्वच्छता मन्त्रालय, नेपाली सेना र सरकारी अस्पतालहरुले मिलाउने,’ क्याबिनेटको निर्णयमा छ ।

शिक्षा तथा खेलकदूमन्त्री एवं सरकारका प्रवक्ता सस्मित पोखरेलले गृह र रक्षा मन्त्रालयको समन्वयमा नेपाली सेना तथा निजी क्षेत्रका हेलिकप्टरहरू पूर्ण क्षमतामा परिचालन गरी घाइते तथा विस्थापितहरूको तत्काल उद्धार गर्ने निर्णय गरेको जानकारी दिए ।