काठमाडौं—चीनको वुहानबाट उद्धार गरी ल्याइएका १७५ जनाको नमुना परीक्षण आइतबार गरिने छ । स्वास्थ्यकर्मीहरुले उनीहरुको रगत र ¥यालको नमुना संकलन गरी परिक्षणका लागि राष्ट्रिय जनस्वास्थ्य प्रयोगशाला टेकु पठाएका छन् ।
सरकारले चीनमा कोरोना भाइरसको प्रकोप फैलन थालेपछि १८ माघबाट आफ्ना नागरिक उद्धारको औपचारिक तयारी थालेको थियो । इतिहासमा पहिलो पटक क्वारेन्टाइन गर्न लागेको नेपाललाई व्यवस्थापनमा केही समय लागेको थियो ।
शनिबार वुहानमा रहेका नेपालीलाई ल्याउन २ सय ७८ सिटे वाइडबडी विमान त्यसतर्फ पठाएको थियो । उक्त विमान १ सय ७५ जना नेपाली लिएर आइतबार बिहान ४ बजे त्रिभुवन विमानस्थलमा अवतरण भएको थियो ।
विमानस्थलमा स्वास्थ्य परीक्षणपछि उनीहरुलाई खरिपाटीस्थित नेपाल विद्युत प्राधिकरणको तालिम केन्द्रमा राखिएको छ । राष्ट्रिय जनस्वास्थ्य प्रयोगशालाबाट दुई दिन रिपोर्ट आउँन समय लाग्ने छ । चालक दलका सदस्यलाई भने नगरकोटमा राखिएको छ । क्वारेन्टाइन स्थलमा २५ स्वास्थ्यकर्मी खटिएका छन् । उनिहरुको बिमा सरकारले गरिदिएको छ ।
आजसम्मको विश्व अवस्था
चीनमा फैलिएको कोरोना भाइरबाट संसारभर ६९ हजार बढी मानिस संक्रमित भएका छन् । पछिल्लो तथ्यांकअनुसार ६९ हजार १९५ जना मानिसमा कोरोना सक्रमण फैलिएको छ, भने १६ सय ६९ जनाको भाइरसकै कारण मृत्यु भइसकेको छ । कोरोना संक्रमितमध्ये ९ हजार ४ सय ६५ जना निको भएका छन् ।
कहाँ कति संक्रमित
चीन १,६६५ मृत्यु, ६८,५०० संक्रमित
हङकङ १ मृत्यु, ५६ संक्रमित
जापान १ मृत्यु, ३३७ संक्रमित
फिलिपिन्स १ मृत्यु, ३संक्रमित
फ्रान्स १ मृत्यु, १२ संक्रमित
संक्रमित मात्रै
मकाउ १०
सिंगापुर ७२
थाइल्यान्ड ३४
दक्षिण कोरिया २९
मलेसिया २२
ताइवान १८
भियतनाम १६
जर्मनी १६
अमेरिका १५
अस्ट्रेलिया १४
बेलायत ९
यूएई ८
क्यानडा ८
भारत ३
इटाली ३
रुस २
स्पेन २
बेल्जियम १
नेपाल १
श्रीलंका १
स्वीडेन १
कम्बोडिया १
फिनल्यान्ड १
इजिप्ट १