२०८१ साउन ५, शनिबार
Health Aawaj logo
गृहपृष्ठलुम्बिनी प्रदेशमिर्गौला रोगबाट पीडितलाई आर्थिक सहयोग

मिर्गौला रोगबाट पीडितलाई आर्थिक सहयोग


बुटवल—रुपन्देहीको तिलोत्तमा नगरपालिका—८ प्रदीपनगरस्थित दीप आमा समूहले मिर्गौला रोगबाट पीडितलाई आर्थिक सहयोग गरेको छ । स्थानीय बासिन्दाहरुबाट संकलन गरिएको रकममा १० हजार थपेर समूहले मिर्गौला पीडित यमकला कुमाललाई ६४ हजार ५ रुपैंयाँ सहयोग गरेको हो ।

प्रदीपनगर निवासी कुमाल डेढ वर्षयता मिर्गौला रोगबाट पीडित छिन् । उनको बुटवलस्थित गौतमबुद्ध सामुदायिक मुटु अस्पतालमा नियमित डायलाइसिस हुँदै आएको छ । साताको दुई दिन डायलाइसिस गर्नुपर्ने उनका श्रीमान ओमबहादुर कुमालले बताए । यमकला २३ वर्षीया हुन् । उनको एक छोरा छन् ।

श्रीमान ओमबहादुरका अनुसार यमकलामा उच्च रक्तचापको समस्या थियो । सोही समस्याले उनको मिर्गौलाले काम गर्न छाडेपछि नियमित डायलाइसिस गर्नुपरेको हो । समूहले संकलन गरेको सहयोग रकम मंगलबार स्थानीय बासिन्दाको रहोवरमा वडाध्यक्ष कृष्णप्रसाद पौडेलले यमकलाका श्रीमान ओमबहादुरलाई हस्तान्तरण गरे ।

यसअघि समूहले स्थानीय दिनानाथ पाण्डेयकी छोरीको उपचारका लागि एक लाख १९ हजार पाँच सय सहयोग गरेको जानकारी त्यस अवसरमा गराइएको छ ।


क्याटेगोरी : लुम्बिनी प्रदेश, समाचार



तपाईको प्रतिक्रिया दिनुहोस


ट्रेण्डिङ