पछिल्लो २४ घण्टामा कोरोनाको केस ह्वात्तै बढेको डब्लूएचओको दाबी

डब्लूएचओका महानिर्देशक टेडरोज अधानम–घ्रिबियससले पछिल्लो २४ घण्टामा कोरोना महामारीका सबैभन्दा बढी केस देखा परेको बताएका छन् । पछिल्लो २४ घण्टाको अवधिमा मात्रै १० लाख ६० हजार नयाँ केसहरु देखा परेको बताउँदै उनले यो कोरोनाका सुरुवातदेखि हालसम्म देखिएको सबैभन्दा ठूलो संख्या रहेको बताए ।

जेनेभास्थित डब्लूएचओ कार्यलयमा ब्रिफिङ्ग गर्ने क्रममा घ्रिबियससले प्राप्त उक्त रिपोर्टमध्ये झण्डै दुई तिहाई केसहरु केवल चार राष्ट्रको रहेको बताएका छन् । ब्रिफिङ्गकै सन्दर्भमा उनले भने; ‘हामीले अझै यस महामारीको सामना गर्नुपर्नेछ ।’

पछिल्लो २४ घण्टामा सबैभन्दा धेरै संक्रमित देखा परेको चार राष्ट्रहरु संयक्त राज्य अमेरिका, रसिया, ब्राजिल र भारत रहेको डब्लूएचओका सरुवा तथा महामारी रोग विशेषज्ञ मारिया भान करखोभले बताइन् ।

रिपोर्टिङको क्रममा केही बिन्दुहरुमा ढिलाइ हुनसक्ने भएकाले संक्रमित अझ बढ्न सक्ने अनुमान गरिएको छ ।

एजेन्सी