२०८१ असार ६, बुधबार
Health Aawaj logo
गृहपृष्ठअन्यलक्षणविहिन कोरोना संक्रमितका कारण हैरान वैज्ञानिक

लक्षणविहिन कोरोना संक्रमितका कारण हैरान वैज्ञानिक


पछिल्लो पटक गरेको एक अध्ययनले कोरोना भाइरस (कोभिड—१९) संक्रमित भएका ४० देखि ४५ प्रतिशत व्यक्तिहरुमा संक्रमणका कुनै पनि लक्षण देखा नपर्ने बताएका छन् । विश्वभर संक्रमित भएका कुल संक्रमितमध्ये झण्डै आधा जति संक्रमितहरुमा संक्रमणका कुनै पनि लक्षण देखा नपर्ने उक्त तथ्य सिप्पस ट्रान्सलेशन इन्स्टिच्युट भर्खरै गरिएको एक अध्ययनले सार्वजनिक गरेको हो ।

यद्यपि त्यस्ता व्यक्तिहरु लामो समयदेखि श्वासप्रश्वास सम्बन्धिका समस्याबाट ग्रसित हुने गरेको दाबी पनि उक्त अध्ययनले गरेको छ । सार्स–कोभ–२ को गतिशील प्रसारित रोग व्यक्तिमा ‘असाइम्टोमेटिक’ (लक्षणविहिन) देखिएपछि विभिन्न विज्ञहरुले यसप्रति चिन्ता व्यक्त गर्न थालेका छन् । यसले संक्रमणको दायरा झन बढाउने भएकाले विज्ञहरु हैरान भएका हुन् ।

विश्व स्वास्थ्य संगठन (डब्लूएचओ) अन्तर्गतका आकस्मिक रोग तथा सरुवा प्रमुखकी डा. मारिया भान केरखोभले पनि यसअघि दूर्लभ मात्रामा देखिएको यसको संख्या पछिल्लो चरणमा भने वृद्धि भएको बताएकी छिन् । यस अध्ययनले कसरी व्यक्तिमा लक्षणविहिन संक्रमण देखा पर्छ भन्ने विषयमा जोड दिएको छ ।

सिप्पस अनुसन्धानमा संलग्न मोलकुलर मेडिसिनका प्रमुख वैज्ञानिक डेनिल ओरन र एरिक टोपोलले यस्ता लक्षणविहिन संक्रमणका कारण अप्रत्यक्षमा रुपमा संक्रमितको संख्या तीव्र रुपमा ह्वात्तै बढ्न सक्ने चेतावनी दिएका छन् ।

यसका साथै उनीहरुले लक्षण नदेखिएको संक्रमितहरुले कालान्तारमा गएर दीर्घ रोगको सामना गर्नुपर्ने स्थिति देखिने समेत बताएका छन् ।

बढ्दो लक्षणविहिन संक्रमितको संख्या

यी दुई वैज्ञानिकले संयुक्त रुपमा गरेको अध्ययन ‘एनल्स अफ इन्टरनल मेडिसिन’ पत्रिकाले प्रकाशित गरेको छ । यस अध्ययनका लागि उनीहरुले नर्सिङ होमका बिरामी, पानी जहाजका समुन्द्री यात्रु तथा कारागारका कैदीहरुलाई समावेश गरेका थिए ।

तीमध्ये धेरैमा लक्षणविहिन समस्या साझा रुपमा देखा परेको ओरनले बताए । अध्ययनमा संलग्न झण्डै ३ हजार व्यक्तिमध्ये ९६ प्रतिशतमा संक्रमण लक्षणविहिन रुपमा देखा परेको थियो ।

कोरोनाको औषधी विभिन्न देशले बनाएको दाबी गरेतापनि हाल ती राष्ट्रहरु ट्रायल परीक्षणकै क्रममा रहेका छन् । तसर्थ यस्तो अवस्था लक्षणविहिन संक्रमितको संख्या बढ्नु जोखिमपूर्ण चुनौती रहेको उनीहरुले बताए ।

एजेन्सीको सहयोगमा


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ