२०८१ असार ७, बिहीबार
Health Aawaj logo
गृहपृष्ठअन्यकोरोना अति प्रभावित १० राष्ट्रको सूचीमा भारत तेश्रो स्थानमा

कोरोना अति प्रभावित १० राष्ट्रको सूचीमा भारत तेश्रो स्थानमा


भारत विश्वको सबैभन्दा कोरोना प्रभावित १० देशको सूचीमा तेश्रो नम्बरमा परेको छ । पछिल्लो विवरण अनुसार कोरोनाबाट भारतमा ज्यान गुमाउनेको संख्या २० हजार ६ सय ५३ पुगेको छ।

देशव्यापी रुपमा कायम गरिएको लकडाउन खुलेसँगै यहाँको संक्रमित र मृत्युदरको संख्यामा वृद्धि आएको हो । हालसम्म भारतमा ७ लाख ४३  हजार भन्दा बढी व्यक्तिमा संक्रमण देखिएको छ । जसमध्ये ४ लाख भन्दा बढी संक्रमित संक्रमण मुक्त भएका छन् । रिउटर्सले जनाए अनुसार पछिल्लो ३ महिनायता भारतमा संक्रमणदर एवम् मृत्युदरको संख्यामा तीव्र वृद्धि भइरहेको छ । यसको मुख्य कारण जिविका सहज पार्नको निम्ति खोलिएको लकडाउन रहेको विज्ञहरुले जनाएका छन् ।

विश्वमा सबैभन्दा बढी कोरोनाको मारमा परेको राष्ट्र अमेरिका हो । जहाँ ३० लाख ९७ हजार भन्दा बढीमा संक्रमण देखिएको छ । अमेरिकामा कोरोनाबाट १३ लाख भन्दा बढीले ज्यान गुमाइसकेका छन् ।

चीनबाट सुरु भएको कोरोना भाइरस अर्थात कोभिड-१९बाट विश्वभर गरेर हाल १ करोड १८ लाख ४९ हजार भन्दा बढी मानिसमा संक्रमण देखिएको छ।  जसमध्ये ५ लाख ४६ हजार ६ सय १ जना संक्रमितले ज्यान गुमाएका छन् । भने ६ लाख ८४ हजार भन्दा बढी संक्रमित  उपचार पछि निको भएका छन् ।

-एजेन्सी


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ