रोकिएन कोभिड-१९ प्रकोप : मृतकको संख्या साढे पाँच लाख नजिक

कोरोना संक्रमण केस झन् दिनप्रतिदिन बढ्दै गएको छ । विश्वभर कोभिड-१९ को महामारी फैलिएको ६ महिनाको अवधिमा हालसम्म संक्रमितको संख्याले १ करोड २१ लाख पार गरिसकेको छ ।

हालसम्म रोकथामका कुनै पनि औषधि पत्ता नलागेका कारण यसको संक्रमण संसारभर द्रुत एवम् निरन्तर रुपमा फैलिने क्रम यथावत् नै रहेको हो । यस्तै, कोरोना संक्रमणबाट विश्वभर मृत्यु हुनेको संख्या झण्डै साढे ५ लाख रहेको छ । जसमध्ये एक तिहाई जनसंख्या संयुक्त राष्ट्र अमेरिकाबाटै रहेको छ । अमेरिकापछि ब्राजिल कोरोना संक्रमणबाट अति प्रभावित देशको सूचीको दोस्रो स्थानमा  रहेको छ ।

यसैगरी आफ्ना पछिल्लो रेकर्डलाई उछिन्दै भारत कोरोनाबाट अति प्रभावित राष्ट्रको चौथो स्थानबाट तेस्रो स्थानमा उक्लेको छ ।  यससँगै कोरोना संक्रमणबाट मुक्त भएर घर फर्कनेको संख्या भने साढे ६० लाख पुगेको छ ।

-एजेन्सी