×
२०७७ साउन २२, बिहीबार
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठअन्ययौन प्रसारित रोगबाट यसरी बचौं

यौन प्रसारित रोगबाट यसरी बचौं


यौन क्रियाकलापद्धारा व्यक्तिमा सर्ने रोगलाई यौन प्रसारित रोग अर्थात् ‘सेक्सुअल ट्रान्समिसन डिजिज’ भनिन्छ । यस्ता रोगबाट बच्नका लागि सदैव असुरक्षित यौन सम्पर्क, यौन समस्या एवम् लक्षण देखा परेको व्यक्तिसँगको सम्पर्कबाट बच्नु पर्छ ।  र  एक जना पार्टनरसँग मात्रै यौन सम्बन्ध कायम गर्नुपर्दछ ।

यसबाहेक यौन प्रसारित रोगबाट बच्न निम्न उपायहरु अपनाउनु पर्दछ ।

१.  प्रत्येक पटक यौनसम्बन्ध कायम गर्दा कन्डम वा लेटेक्सको प्रयोग गर्ने । यदि लुब्रिकान्टको प्रयोग गर्दै हुनुहुन्छ भने त्यो वाटर बेसमा भएको हुनुपर्दछ । कन्डमलाई १०० प्रतिशत गर्भनिरोधक एवम् यौन रोग प्रसारित रोधक साधन मानिन्छ । यद्यपि कन्डमको उचित प्रयोग कसरी गरिन्छ ? भन्ने बारे ज्ञान हासिल गर्नुपर्दछ ।

२.  एकै टावेल(रुमाल)वा भित्रिवस्त्र कसैसँग पनि सेयर नगर्ने ।

३. सम्भोग कायम गर्नुअघि योनाङ्ग राम्ररी पखाल्ने ।

४. हेपेटाइटिस ‘बी’ खोप मात्रा पुर्ण रुपले लगाउने

५. एचआईभि संक्रमण परीक्षण गर्ने

६. यदि तपाईमा ड्रग एवम् मदिराको लत छ भने यसबाट छुटकारा पाउनको निम्ति अन्यको सहयोग पनि लिन सक्नुहुन्छ । यस्ता व्यक्तिहरु प्रायजसो सुरक्षित यौन सम्बन्ध कायम गर्न विफल हुन्छन् ।  र, याद राख्नुहोस् यौन सम्बन्ध कायम नराख्नु नै यौन प्रसारित रोगबाट बच्नु सबैभन्दा ठुलो उपाय हो ।

केहि समय ‘नोनोजाइनोल–९’ कन्डमको प्रयोगले यौन प्रसारित रोगका जिवाणुलाई मारी यौन रोगबाट बचाउँछ भन्ने मान्यता रहेको थियो । तर, नयाँ अध्ययनले जनाए अनुसार यसो गर्नाले महिलाको योनी र गर्भाशयमा पोल्ने एवम् संक्रमण हुनेजस्ता समस्या देखा पर्दछ । तसर्थ, हाल विज्ञहरुले नोनोजाइनोल–९ कन्डम प्रयोग नगर्न सुझाव दिएका छन् ।

-एजेन्सीको सहयोगमा


क्याटेगोरी : अन्य, यौन स्वास्थ्य


तपाईको प्रतिक्रिया दिनुहोस