अर्को वर्षको सुरुवात अघि कोरोना विरुद्धको खोप बन्ने आश छैन : डब्ल्यूएचओ

विश्व स्वास्थ्य संगठनले २०२१ सम्म कोरोना विरुद्धको पहिलो खोप बन्ने आश नभएको बताएको छ । संगठनका अनुसार यदि अनुसन्धानबाट खोपमा सफलता मिल्यो भने पनि अर्को वर्षको सुरुवात भन्दा अघि आश गर्न सकिदैन ।

‘खोप बन्न ढिला नै किन नहोस तर खोप भने सुरक्षा दिने खालकै हुनुपर्छ, ‘संगठनका कार्यकारी निर्देशक माइक रेयानले भने।

कोरोना भाइरसबाट हालसम्म १ करोड ५२ लाख ३५ हजार २ सय भन्दा बढी मानिस संक्रमित छन् ।  पछिल्लो तथ्यांक अनुसार हालसम्म ६ लाख २३ हजार ५ सय ७६ मानिसले कोरोनाका कारण ज्यान गुमाए । भने ९१ लाख ९९ हजार ६ सय भन्दा बढी संक्रमित ठिक भएका छन् ।

-एजेन्सी