२०८१ साउन ७, सोमबार
Health Aawaj logo
गृहपृष्ठअन्यसंक्रमितको सम्पर्कमा आएपछि डब्ल्यूएचओका प्रमुख टेड्रोसले आफैलाई गरे क्वारेन्टाइन

संक्रमितको सम्पर्कमा आएपछि डब्ल्यूएचओका प्रमुख टेड्रोसले आफैलाई गरे क्वारेन्टाइन


विश्व स्वास्थ्य संगठनका प्रमुख टेड्रोस एडहोम घेब्येयियस क्वारेन्टाइनमा बसेका छन्। कोभिड-१९ पोजेटिभ विरामीको सम्पर्कमा आएकोले क्वारेन्टाइनमा बसेको भन्दै उनले आफ्नो सामाजिक संजाल ट्वीटमार्फत जानकारी दिए।

उनले आफुमा कोरोनाको लक्षण नदेखिएको र पूर्णरुपले स्वस्थ रहेको समेत बताएका छन्। तर संगठनको प्रावधानअनुसार उनी घरबाटै काम गर्ने छन्। उनले लेखेका छन् -‘म कोभिड-१९ संक्रमित व्यक्तिको सम्पर्कमा आएको पत्ता लागेको छ। म अहिले ठिक छु र कुनै प्रकारको लक्षण छैन तर डब्ल्यूएचओ को मापदण्डअनुसार आउने दिनमा क्वारेन्टाइनमा रहन्छु र घरबाटै काम गर्नेछु। यसरी बस्दा कोरोनाको चेन तोड्न सकिन्छ। जन भाइरसलाई हराउनको लागि जरुरी छ।’

विश्वभरमा अहिलेसम्म ४ करोड ६८ लाख ३४ हजार ६ सय भन्दा बढीमा संक्रमण पुष्टि भैसकेको छ। जसमा १२ लाख भन्दा बढीले ज्यान गुमाएका छन् भने ३ करोड ३७ लाखभन्दा बढी संक्रमित कोरोनामुक्त भएका छन्।


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ