काठमाडौं—अक्सफोर्ड युनिभर्सिटी एवं एस्ट्राजेनेका कम्पनीको कोरोना भ्याक्सिन कोभिशिल्डको दुई फुल डोज एकदमै राम्रो इम्युन रिस्पोन्स दिइरहेको जनाइएको छ । अक्सफोर्ड युनिभर्सिटीले बिहीबार यो जानकारी दिएको हो ।
युनिभर्सिटीले एक बयानमा भनेको छ, ‘पहिले हामीले एक पूर्ण र एक आधा डोज दिएर ट्रायल गरेका थियौं । यसरी क्यान्डिडेटलाई डेढ डोज दिइएको थियो । अब दुई पूर्ण डोज दिइएको छ । यसको नतिजा काफी राम्रो देखिएको छ ।’
करिब एक महिना अघि एस्ट्राजेनेका र अक्सफोर्ड युनिभर्सिटीले भ्याक्सिन प्रोडक्सनमा देखिएको गल्ती स्वीकार गरेको थियो । त्यतिबेला भ्याक्सिन तेस्रो चरणको ट्रायलको नतिजा जारी गरिएको थियो । जसमा अलग—अलग नतिजा अगाडि आएका थिए ।
बिहीबार अक्सफोर्डले आफ्नो भ्याक्सिन बारे नयाँ जानकारी दिएको हो । सो क्रममा उसले ट्रायलका क्रममा क्यान्डिडेटलाई दुई पूर्ण डोज दिइएको उल्लेख गरेको थियो । जसको राम्रो नतिजा दिएको उसले जनाएको छ । ‘यसअघि हामीले एक पूर्ण डोज र अर्को आधा डोज दिएका थियौं,’ उसले भनेको छ, ‘यसको तुलनामा दुई पूर्ण डोज काफी प्रभावी सावित भएको छ ।’
