काठमाडौं—टिनएजर्सहरु सेल्फी पोष्ट गर्दा पर्फेक्ट शरीरको भएको फोटोमा ध्यान दिन्छन् । टिनएजर्समा डिप्रेसनको एक कारण शरीरको बनावट पनि हुन सक्छ । नेदरल्याण्डसमा हालै गरिएको एक अनुसन्धानले यस्तै देखाउँछ ।
अनुसन्धानकाअनुसार यदि टिनएजर्सहरु आफ्नो शरीरको बनावटबाट खुसी छैनन त त्यो डिप्रेसनको कारण हुन सक्छ ।
जर्नल अफ इपिमिमियोलोजी एन्ड कम्युनिटीमा छापिएको रिपोर्टअनुसार ६० प्रतिशत युवाहरु आफ्नो शरीरको बनावटबाट खुसी छैनन् । सोसल मिडियाका कारण यस्तो समस्या अझ बढोत्तरी भइरहेको छ । युवाहरु फोटो र सेल्फी पोष्ट गर्दा आफ्नो पर्फेक्ट शरीरमा ध्यान दिन्छन् ।
बेलायतमा यसको अवस्था बुझ्नका लागि फरक—फरक उमेर समूहका टिनएजर्समा अध्ययन गरिएको थियो । पहिले समूहमा यस्ता टिनएजर्सहरुलाई समेटियो जसको उमेर १४ वर्षको थियो । उनीहरुसँग उनीहरुको शरीरको वनावट, वजन, पेट, बडी फ्लुइड, ब्रेस्ट, खुट्टा, हिप, अनुहार र कपालका बारेमा रेटिङ गराइएको थियो ।
दोस्रो समूहमा १८ वर्षका टिनएजर्स सामेल थिए । जो डिप्रेसनसँग जुधिरहेका थिए । उनीहरुको अवस्था यस्तो किन थियो भन्ने बारेमा खोज गरिएको थियो । सो क्रममा युवा र युवती दुवै आफ्नो शरीरको बनावटबाट सन्तुष्ट नरहेको पाइएको थियो । जसमा युवाभन्दा युवतीहरु बढी असन्तुष्ट थिए ।
अनुसन्धानका अनुसार जो युवतीहरुको उमेर १४ वर्षको थियो उनीहरु आफ्नो फिगरबाट असन्तुष्ट थिए । उनीहरुमा डिप्रेसनका सामान्य लक्षण देखिएका थिए । तर, जसको उमेर १८ वर्ष थियो उनीहरु गम्भीर डिप्रेशनसँग जुधिरहेका थिए । त्यही उमेरका युवाहरुमा डिप्रेसनका सामान्य लक्षण थियो ।
दैनिक भाष्करबाट भावानुवाद
