बेलायतमा पाइएको नयाँ स्वरूप विरुद्ध भ्याक्सिनको परीक्षण हुँदै

बेलायतमा पाइएको कोरोना भाइरसको नयाँ स्वरूप विरुद्ध भ्याक्सिन परीक्षण सुरु भएको छ। सीएनएनले आफ्नो एक रिपोर्टमा नोभाभ्याक्स बायोटेक कम्पनीले कोरोनाको नयाँ स्वरूप विरुद्ध भ्याक्सिन परीक्षण सुरु गरेको जनाएको हो।

रिपोर्ट अनुसार यसमा नर्मल भ्याक्सिनको चरण ३ को ट्रायल पनि चलिरहेको छ। कम्पनीले एक बयानमा भन्यो, ‘हामी ब्रिटेनमा पाइएको कोरोनाको नयाँ भेरियेन्टको अनुसन्धान पुरा गरेका छौँ। भ्याक्सिनको परीक्षण पनि सुरु भैसकेको छ। नतिजा आउँन भने केहि साता लाग्ने छ ।’

भ्याक्सिन ट्रायलमार्फत नयाँ स्वरुपमा कति असर हुन्छ वा यस स्ट्रेनलाई खतम गर्न सकिन्छ वा सकिदैन भन्ने पत्ता लगाउने प्रयास भैरहेको छ। यसअघि फाइजर र मोडर्नाको खोप परीक्षण पनि यस नयाँ स्वरूपमा सुरु गरिएको छ। नयाँ स्वरूप पहिलाको भाइरसको तुलनामा ज्यादा तीव्र फैलने बताइएको छ। भने, वृद्धको लागि ज्यादा खतरानक मानिएको छ।

-एजेन्सी