कोरोना खोपको प्रयोगलाई रोक्ने फैसला हत्तारमा नलिन डब्लुएचओको आग्रह

विश्व स्वास्थ्य संगठनले कोरोना खोपलाई रोक्ने फैसला हत्तारमा नगर्न आग्रह गरेको छ। संगठनले महामारी विरुद्धको लडाइमा अक्सफोर्ड-एस्ट्राजेनेका को खोपले महत्पूर्ण भूमिका निभाउने भन्दै सुरुवाती चरणमै खोपलाई खारेज नगर्न आग्रह गरेको हो।

साउथ अफ्रिकाले कोरोनाको नयाँ स्वरूपमा सो खोप प्रभावकारी नदेखिएको भन्दै रोक लगाएपछि संगठनले आफ्नो प्रतिक्रिया जनाएको हो । संगठनले भन्यो, ‘भयास्किनको प्रयोगलाई रोक्नु भनेको हत्तारमा लिएको फैसला हो।’

दक्षिण अफ्रिकाले कोरोना भाइरसको नयाँ स्वरूप पुष्टि भएका बिरामीमा एस्ट्राजेनेकाको खोप प्रभावकारी नदेखिएको भन्दै दक्षिण अफ्रिकाले यसको प्रयोगमा रोक लगाएको छ ।

एक सानो अध्ययनबाट प्राप्त प्रारम्भिक तथ्याङ्क अनुसार एस्ट्राजेनेकाको खोप दक्षिण अफ्रिकामा पाइएको कोरोनाको नयाँ स्वरूप पुष्टि भएकाहरुमा न्यूनतम स्तरको मात्रै सुरक्षा दिने बताइएको छ।

-एजेन्सी