२०८१ जेठ ३१, बिहीबार
Health Aawaj logo
गृहपृष्ठअन्यमहिनावारीको कडा दुखाइ कम पार्ने ६ घरेलु उपाय

महिनावारीको कडा दुखाइ कम पार्ने ६ घरेलु उपाय


बदलिँदो जीवनशैली, प्रदूषण र खानपानमा आएको परिवर्तनका कारण आजकाल महिलामा महिनावारीको बेला अत्याधिक दुख्ने समस्या धेरै हुने गरेको छ । यस असुविधाबाट तुरुन्तै राहत पाउन पेनकिलरको विकल्प भए पनि महिलाहरू धेरै पटक डाक्टरको सल्लाह लिएर यी औषधी लिन हिचकिचाउँछन् ।

यस्तो अवस्थामा यस समस्याबाट छुटकारा पाउनका लागि थुप्रै घरेलु उपायहरू छन्, जसलाई अपनाएर महिनावारीको समयमा हुने कडा दुखाइबाट राहत पाउन सकिन्छ । तिनीहरूको न त कुनै साइड इफेक्ट छ न त महँगो छ ।

१. ज्वानो
अक्सर, महिनावारी को समयमा महिलाहरूमा ग्यास्ट्रिक समस्या बढ्छ, जसको कारण पेट मा कडा दुखाइ हुन्छ । यसको सामना गर्न ज्वानोको सेवन धेरै प्रभावकारी छ । आधा चम्चा ज्वानो र आधा चम्चा नुन मिसाएर मनतातो पानीमा पिउनाले तुरुन्तै दुखाईबाट आराम मिल्छ । यसबाहेक महिनावारीको समयमा चुकन्दर, गाजर र काँक्रो मिसाएर बनाएको ज्वानोको जुस पिउँदा पनि दुखाइ हुँदैन ।

२. अदुवा
महिनावारीको दुखाइमा अदुवाको सेवनले पनि तुरुन्त आराम मिल्छ । अदुवाको साना टुक्रालाई एक कप पानीमा उमाल्नुहोस् । यदि चाहियो भने स्वाद अनुसार चिनी थप्नुहोस् । खाना खाएपछि दिनमा तीन पटक सेवन गर्नुहोस् ।

३. दुग्ध उत्पादन
महिलाहरूका लागि दूध र दुग्धजन्य पदार्थको उपभोग धेरै महत्त्वपूर्ण छ । शरीरमा क्याल्सियमको कमी हुने महिलालाई महिनावारीसँग सम्बन्धित समस्या बढी हुन्छ । यस्तो अवस्थामा महिनावारीको समयमा मात्र नभई सधैँ दूध र दुग्धजन्य पदार्थको सेवन महिलाहरूका लागि धेरै महत्त्वपूर्ण हुन्छ किनभने यसमा क्याल्सियम प्रचुर मात्रामा पाइन्छ ।

४. तुलसी
तुलसी एक उत्कृष्ट प्राकृतिक दुखाइ निवारक हो जसलाई महिनावारीको दुखाइमा बिना कुनै हिचकिचाहट लिन सकिन्छ । यसमा पाइने क्याफिक एसिडले दुखाइमा आराम दिन्छ । यस्तो अवस्थामा तुलसीको पात चियामा मिसाएर पिउनाले पनि दुखाइमा आराम मिल्छ । धेरै समस्या भएमा आधा कप पानीमा ७–८ वटा तुलसीका पात उमालेर छानेर खानुहोस् ।

५. मेवा 
धेरै पटक महिनावारीको समयमा राम्ररी रगत प्रवाह हुन नसक्दा पनि महिलालाई बढी पीडा हुन्छ । यस्तो अवस्थामा मेवा सेवन गर्नु उत्तम विकल्प हो । यसको प्रयोगले गर्दा महिनावारीको समयमा प्रवाह राम्रोसँग सन्तुलित हुन्छ, जसले गर्दा दुखाइ हुँदैन।

६. हट ब्याग
महिनावारीको दुखाइबाट राहत पाउन पेट र कम्मरमा तातो पानीको ब्याग लगाउनुहोस् । यसले तत्काल राहत दिनेछ ।

अमरउजालाबाट भावानुवाद


क्याटेगोरी : अन्य, टिप्स



तपाईको प्रतिक्रिया दिनुहोस


ट्रेण्डिङ