काठमाडौं—कलंकीस्थित नेपाल नेशनल हस्पिटलको साताव्यापी वृहत निःशुल्क स्वास्थ्य शिविर हुने भएको छ । अस्पतालका व्यवस्थाप समिर शर्माकाअनुसार नेपाल नेशनल हस्पिटलमा ७ देखि १२ गतेसम्म निःशुल्क वृहत स्वास्थ्य शिविर हुन लागेको हो ।
शिविरमा जनरल फिजिसियन, छाती रोग, जनरल सर्जरी, हाडजोर्नी तथा नसा रोग, बाल रोग, स्त्री तथा प्रसुति रोगका विशेषज्ञहरुले निःशुल्क स्वास्थ्य परीक्षण गर्नेछन् । यसैगरी, थाइराइड, सुगर तथा हर्मोन रोग, दन्त, मुख तथा गिजा रोग र मनोरोग सम्बन्धि परामर्श उपलब्ध गराउने शर्माले जानकारी दिए ।
उनकाअनुसार विहान ८ बजेदेखि बेलुका ५ बजेसम्म हुने शिविरमा निःशुल्क सुगर जाँच गरिनेछ । यस्तै, थाइराइड जाँच ५ सय रुपैयाँमा र अस्पतालका सम्पूर्ण सेवाहरुमा २५ प्रतिशत छुटको व्यवस्था गरिएको छ ।
