२०८१ साउन ९, बुधबार
Health Aawaj logo
गृहपृष्ठजनस्वास्थ्यगर्भधारण गर्नुअघि मुटुलाई स्वस्थ बनाउन जरुरी : अध्ययन

गर्भधारण गर्नुअघि मुटुलाई स्वस्थ बनाउन जरुरी : अध्ययन


गर्भावस्थाको समयमा महिलाको सम्पूर्ण शरीर परिवर्तन हुन्छ। पहिलो त्रैमासिकमा शरीरमा रगतको मात्रा ३० देखि ४० प्रतिशतसम्म बढ्छ। जसकारण मुटुको काम पनि बढ्छ र मुटुको धड्कन पनि बढ्न थाल्छ । त्यसैले, यस्तो अवस्थामा प्रजनन स्वास्थ्यका साथसाथै मुटुको स्वास्थ्यमा पनि ध्यान दिनु जरुरी छ ।

अमेरिकी वैज्ञानिकहरूले भर्खरै एउटा अनुसन्धानमा महिलाहरूले गर्भवती हुनुअघि आफ्नो मुटुलाई पूर्णतया स्वस्थ बनाउनु पर्ने बताएका छन्। त्यसो गर्न असफल हुँदा गर्भावस्थाको समयमा गम्भीर जटिलताहरू निम्त्याउन सक्छ।

अनुसन्धानले के भन्छ ?

उक्त, अनुसन्धान अमेरिकन हार्ट एसोसिएसन (एएचए) को मेडिकल जर्नल सर्कुलेशनमा प्रकाशित भएको हो। यस आलेखले गर्भावस्थाको योजना बनाउनु अघि मुटुमा ध्यान दिनुपर्ने आवश्यकतालाई हाइलाइट गर्दछ।

सन् २०१९ मा गर्भवती भएका अमेरिकामा २० देखि ४४ वर्ष उमेर समूहका २ मध्ये १ महिलाको मुटु स्वस्थ नभएको अध्ययनले देखाएको छ ।
मधुमेह, उच्च रक्तचाप र मोटोपनाले मुटु रोगको जोखिम बढाउँछ । अध्ययनमा ५०% महिलालाई यी मध्ये केही रोगहरू थिए, जसले उनीहरूको मुटुलाई जोखिममा पारेको छ।

वैज्ञानिकहरुका अनुसार मुटुसँग सम्बन्धित रोगहरुका लागि मोटोपना सबैभन्दा बढी जिम्मेवार हुन्छ । गर्भावस्थाको समयमा हृदय रोग आमा र बच्चा दुवैको लागि जोखिमपूर्ण हुन्छ। यी रोगहरूले प्रत्येक ४ गर्भवती महिला मध्ये 1 को मृत्यु निम्त्याउँछ।

गर्भावस्था योजना अघि ध्यान दिनुपर्ने कुराहरू:-

  • अध्ययनमा संलग्न डाक्टर सादिया खानले गर्भवती हुनुअघि मुटुको स्वास्थ्यमा ध्यान दिनुपर्ने बताएकी छिन्।
  • अनुसन्धानका प्रमुख वैज्ञानिक डा. नताली क्यामरुनका अनुसार स्वस्थ मुटु भएका महिलालाई गर्भावस्थामा हुने जटिलता कम हुने र बच्चा पनि स्वस्थ हुन्छ ।
  • यसो गर्नाले महिलाहरुलाई भविष्यमा मुटु रोगको जोखिम पनि कम हुन्छ ।
  • डा. क्यामरुनका अनुसार अधिकांश गर्भधारण योजना अनुसार हुँदैन।
  • त्यसैले, महिलाले आफ्नो मुटुको स्वास्थ्यमा सधै ध्यान दिनुपर्छ ।
  • व्यायाम, राम्रो खानपान, तनावबाट टाढा रहने र चुरोट र मदिराको सेवन नगर्दा मुटु रोगबाट बच्न सकिन्छ ।

-एजेन्सी


क्याटेगोरी : जनस्वास्थ्य



तपाईको प्रतिक्रिया दिनुहोस


ट्रेण्डिङ