२०७८ साउन १३, बुधबार
Health Aawaj logo
गृहपृष्ठप्रदेश २जनकपुरधाममा एक सय शैय्याको विशेष कोभिड अस्पताल संचालन

जनकपुरधाममा एक सय शैय्याको विशेष कोभिड अस्पताल संचालन


धनुषा – प्रदेश २ सरकारले अस्थाइ राजधानी जनकपुरधाममा एक सय शैय्याको विशेष कोभिड अस्पताल संचालनमा ल्याएको छ । जनकपुरको मुजेलियास्थित मणिपाल शिक्षण अस्पतालको प्रयोग विहिन भवनलाई मर्मत सम्भार गरेर प्रदेश सरकारले कोभिड विशेष अस्पताल संचालनमा ल्याएको हो ।

मधेश स्वास्थ्य विज्ञान प्रतिष्ठान मातहत संञ्चालन हुने कोभिड विशेष अस्पतालको मुख्यमन्त्री लालबाबु राउत र समाजिक विकास मन्त्री नवलकिशोर साहले संयुक्त रुपमा एक कार्यक्रमबीच बिहिबार उद्घाटन गरेका हुन् । एकवर्षअघि देखि नै उक्त भवनमा कोभिड विशेष अस्पताल संचालन गर्न प्रयास गरिए पनि विभिन्न अवरोधहरुका कारण  बिहिबार देखि मात्र संचालनमा आएको छ ।

अस्पतालको उदघाटन गर्दैै प्रतिष्ठानका कुलपति समेत रहेका मुख्यमन्त्री लालबाबु राउतले मधेश स्वास्थ्य विज्ञान प्रतिष्ठानले कोभिड संक्रमितहरुको उपचारका अतिरिक्त अन्य विशेषज्ञ सेवाहरु पनि छिट्टै शुरु गर्ने बताए ।

शिक्षण अस्पताल संचालनका लागि सरकारबाट जग्गा लिजमा लिएका मणिपालले दशकौ वितिसक्दा समेत अस्पताल संचालन गर्न नसकेकाले उनको लिज खारेजी गराई उक्त जग्गा प्रष्ठिान मातहत ल्याउने पहल शुरु भइसकेको जानकारी समेत गराए ।

यस अस्पतालमा कोभिड-१९ संक्रमितको उपचार मात्र होइन, अन्य विशेषज्ञ सेवा समेत चाडै शुरु हुन्छ  । जग्गा प्राप्तीको प्रक्रिया चाडै शुरु गर्छौ, राज्यको अरबौको सम्पति कुनै संस्थाले यसरी राख्न पाउदैन । ’

कार्यक्रममा समाजिक विकास मन्त्री नवल किशोर साहले प्रदेश सरकारको गौरबको योजना रहेको मधेश स्वास्थ्य विज्ञान प्रतिष्ठान स्वास्थ्य उपचारको क्षेत्रमा मुलुककै नमूना बन्ने विश्वास व्यक्त गरे ।

स्थापनाको छोटो समयमै ४ विधामा शिक्षणको अनुमति प्राप्त गरेको प्रष्ठिानले यसै शैक्षिक सत्र देखी विपिएच, बिएन, विएमएलटी लगायतको अध्यापन शुरु गर्नेछ । प्रतिष्ठानका उपकुलपति डा.राम केवल साहको अध्यक्षतामा भएको उद्घाटन समारोहमा मुख्यन्यायधिवक्ता दिपेन्द्र झा, सुरक्षा निकायका प्रमुखहरु, प्रतिष्ठानका पदाधिकारी तथा प्रादेशिक अस्पतालका प्रमुख एवं चिकित्सक सहितको उपस्थिति रहेको थियो ।


क्याटेगोरी : प्रदेश २



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)