रगत अभाव हुन नदिन रक्तदान

दोलखा–कोभिड–१९ को संक्रमण बढ्दै गइरहेको अवस्थामा अस्पतालमा बिरामीलाई रगत अभाव हुन नदिनको लागि विभिन्न निकायले रक्तदान आयोजना गरिएको छ । सदरमुकाम चरिकोटमा दोलखा चेम्बर अफ कमर्स र जिल्ला समन्वय समिति दोलखाको संयुक्त आयोजनामा खुला रक्तदान कार्यक्रम आयोजना गरिएको छ ।

चरिकोटमा आयोजित खुला रक्तदान कार्यक्रममा २४ जनाले रक्तदान गरेका थिए । दोलखा चेम्वर अफ कमर्सको ७१ औं स्थापना दिवसको अवसरमा सो रक्तदान कार्यक्रम आयोजना गरिएको दोलखा चेम्बर अफ कमर्सका सचिव रुद्रजंग बुढाथोकीले जानकारी दिए ।

रक्तदाताहरुलाई दोलखाका प्रमुख जिल्ला अधिकारी टेकराज निरौलाले प्रमाण पत्र वितरण गरेका थिए ।

रक्तदान कार्यक्रम सफल पार्नको लागि तारादल गण दोलखा, जिल्ला प्रहरी कार्यालय दोलखा, ससस्त्र प्रहरी बल दोलखा, नेपाल रेडक्रस सोसाइटी जिल्ला शाखा दोलखा र जिल्ला समन्वय समिति दोलखाले सहयोग गरेका थिए ।