२०८१ साउन ८, मंगलबार
Health Aawaj logo
गृहपृष्ठलुम्बिनी प्रदेशलकडाउनमा समेत ओपिडी सेवा दिँदै आएको क्रिमसन अस्पताल ५ दिन देखि बन्द

लकडाउनमा समेत ओपिडी सेवा दिँदै आएको क्रिमसन अस्पताल ५ दिन देखि बन्द


बुटवल – तिलोत्तमा–५, मणिग्रामस्थित क्रिमसन अस्पताल ५ दिनयता बन्द छ । लकडाउनमा समेत ओपिडी सेवा दिँदै आएको अस्पताल कोरोना बिरामीको संक्रमण पुष्टि भएसँगै बन्द भएको हो ।

यहाँ उपचारको लागि जेठ १ गते भर्ना भएका गुल्मी मदानेका ४१ वर्षका एक व्यक्तिमा ५ गते कोरोना पुष्टि भएको थियो । उनलाई ७ गते मृत घोषणा गरिएको थियो । प्रदेश सरकारले अस्पताल शील गरेसँगै बिरामीसँग नजिक रहेर काम गरेकासहित २९ जनाको स्वाव परीक्षण गरिएको थियो ।

तर, उनीहरु सबैको कोरोना नतिजा नेगेटिभ आएको छ । तैपनि उनीहरु सबै अस्पतालभित्र छन् । अस्पतालका प्रशासकीय अधिकृत मनमोहन भट्टराईले स्वास्थ्य निर्देशनालयको निर्देशनअनुसार अस्पताल शील रहेको बताए । उनले स्वास्थ्यकर्मी समेत आइसोलेशनमा रहेको बताए । निर्देशनालयले नभन्दासम्म आफूहरुले केहि गर्न नसक्ने उनको भनाइ छ।


क्याटेगोरी : लुम्बिनी प्रदेश



तपाईको प्रतिक्रिया दिनुहोस


ट्रेण्डिङ