रुपन्देहीमा कोभिड—१९ का कारण मृत्यु हुनेको संख्या १२ पुग्यो

बुटवल—रुपन्देही जिल्लामा कोभिड—१९ का कारण मृत्यु हुनेको संख्या १२ पुगेको छ ।

लुम्बिनी प्रादेशिक अस्पताल आइसोलेसन शाखामा भेन्टिलेटरको सहायतामा उपचाररत बुटवल—८ मिलनचोकका ७८ वर्षीय पुरुषको शुक्रबार विहान मृत्यु भएसँगै मृतकको संख्या १२ पुगेको हो ।

उनी विगत ९ दिनदेखि आइसोलेसन शाखामा उपचाररत थिए । योसँगै बुटवल उपमहानगरमा मात्रै मृत्यु हुनेको संख्या ५ पुगेको छ ।

समुदायस्तरमा कोरोना संक्रमण फैलिएको रुपन्देहीका संक्रमितसँगै मृतकको संख्या पनि बढ्दै गएको छ ।