लुम्बिनी सरकारको बजेटमा स्वास्थ्यः ‘मेरो स्वास्थ्य, मेरो जिम्मेवारी’

देउखुरी—लुम्बिनी प्रदेश सरकारले स्वास्थ्यका विभिन्न सुनौला नाराहरु अगाडि सार्दैं आर्थिक वर्ष २०८१/०८२ को बजेट ल्याएको छ । शनिबार लुम्बिनीका आर्थिक मामिला तथा योजनामन्त्री चेतनारायण आचार्यले नसर्ने रोगको प्रकोपलाई कम गर्न ‘मेरो स्वास्थ्य, मेरो जिम्मेवारी’ कार्यक्रमसहितका लागि बजेट विनियोजन गरिएको जानकारी दिए ।

आर्थिक वर्ष २०८१/८२ को लागि ३८ अर्ब ९५ करोड ९५ लाख ३६ हजार रुपैयाँको बजेट ल्याएको लुम्बिनी सरकारले ४० वर्षमाथिका नागरिकको निःशुल्क कडा रोगको परीक्षण गर्ने, पूर्ण सुरक्षित मातृत्व सेवासहितका कार्यक्रमका लागि बजेट छुट्याएको छ ।

भौतिक पूर्वाधारअन्तर्गत प्रदेश गौरवका आयोजनाका रुपमा रहेको लुम्बिनी प्रदेश अस्पतालको भौतिक संरचना निर्माणका लगि १ अर्ब ८० करोड रुपैयाँ बिनियोजन गरिएको छ ।

लुम्बिनीमा स्वास्थ्यको बजेटमा के छ ?