अस्पतालको लापरवाहीले बिरामीको मृत्यु भएको भन्दैं अत्तरियास्थित पद्मा अस्पतालमा तोडफोड

धनगढी-उपचारका क्रममा बिरामीको मृत्यु भएपछि अत्तरियास्थित पद्मा अस्पतालमा स्थानीयले तोडफोड गरेका छन् । शुक्रबार साँझ उपचारका लागि आएका बिरामीको अस्पतालको लापरबाहीका कारण मृत्यु भएको भन्दै स्थानीयहरुले तोडफोड गरेका हुन् ।

इलाका प्रहरी कार्यालय मालाखेतीका प्रहरी नायब उपरिक्षक (डिएसपी) नवराज पोखरेलका अनुसार गोदावरी नगरपालिका–३ का ३८ वर्षीय विनोदकुमार बोहराको उपचारका क्रममा मृत्यु भएको हो ।

डायरियाका बिरामीको अस्पतालले लापरबाही गर्दा मृत्यु भएको भन्दै मृतकका आफन्तले अस्पताल तोडफोड गरेको उनले बताए ।

बिरामीको मृत्युको कारण भने खुल्न सकेको छैन । यसैबीच अस्पतालमा तनावग्रस्त स्थिती सिर्जना भएपछि प्रहरीले अश्रु ग्याँस समेत प्रहार गरेको छ