धनगढी—कैलालीको गेटा अस्पतालले संचालनको लागि जनशक्ति उपलब्ध गराइदिन प्रदेश सरकारसँग आग्रह गरेको छ । अस्पताल संचालनको लागि स्वास्थ्य सेवाका जनशक्तिहरु अर्को व्यवस्था नभएसम्मको लागि काम काजमा जनशक्ति खटाइदिन अनुरोध गरिएको गेटा अस्पतालको निर्देशक डा. प्रमोद जोशीले बताए ।
अस्पताल संचालनको लागि प्रदेश सरकारसँग मेडिकल अधिकृत ५ जना, मिडवाइफ्री ५ जना, फार्मेसी सहायक २ जना, हेल्थ असिस्टेन्ट ३ जना, स्टाफ नर्स ८ जना, फिजियोथेरापी असिस्टेन्ट १ जना, रेडीयोग्राफर ३ जना, ल्याब टेक्निसियन ३ जना र एनेस्थेटिक सहायक १ जना उपलब्ध गराइदिन अनुरोध गरेको छ ।
गेटा अस्पतालमा न्यूनतम सेवासहितको अस्पताल संचालन गर्ने तयारी भइरहेको छ ।
संघले यसअघि गेटामा १४० जना जनशक्तिको दरबन्दी स्वीकृत गरेपछि जनशक्ति पूर्ति अगाडि नबढेकाले गेटाले तत्कालका लागि प्रदेश सरकारसँग जनशक्ति माग गरेको हो ।
