निसर्ग अस्पतालमा दूरबिनबाट कपरटी निकालियो

धनगढी—सुदूरपश्चिममै पहिलो पटक धनगढीको निसर्ग अस्पतालमा दुरविन प्रविधिबाट कपरटी निकालिएको छ । निसर्ग अस्पतालका स्त्री तथा प्रसुती रोग विशेषज्ञ डा. नजमुस्सबा अन्सारीको टिमले दुरविन प्रविधिबाट कपरटी निकालेको हो ।

अस्पतालका अनुसार दुरविन प्रविधीबाट दार्चुलाकी ५० वर्षीया मैनादेवी ठगुन्नाको कपरटी निकालिएको हो । उनले आजभन्दा ११ वर्ष अगाडि दार्चुलामा नै सञ्चालन भएको शिविरबाट १२ वर्षको लागि कपरटी राखेकी थिइन् ।

बीचमा महिनावारी रोकिएको थाहा भएपछि स्थानीय स्वास्थ्यकर्मीमार्फत निकाल्न खोज्दा कपरटी भाँचिएको थियो । त्यसपछि मात्रै उनलाई धनगढी ल्याइएको मौनादेवीकी गाउँले गीता ठगुन्नाले बताइन् ।

दुरविनबाट कपरटी निकालिएको सुदूरपश्चिममै पहिलो पटक भएको अस्पतालको दावी छ ।