चिकित्सक कुटपिटको विरोधमा गौरमा प्रदर्शन

जनकपुर – चिकित्सक माथि भएको कुटपिटको विरोधमा रौतहटको गौरमा प्रदर्शन भएको छ । मंगलबार ‘सोसाइटी अफ मेडिकल स्टुडेन्ट नेपाल’ले झापाको विर्तामोडस्थित मेडिका हस्पिटलमा कार्यरत डा. सुधाकर झा माथि भएको कुटपिटको विरोधमा प्रदर्शन गरेको हो ।

अस्पतालमा उपचार गराउन आएका बिरामीका आफन्तलाई मास्क लगाउन र होहल्ला नगर्न अनुरोध गर्दा उनीहरुले उल्टै डा. झामाथि असार ११ गते हातपात गरेका थिए ।

डा. झामाथि कुटपिट गर्ने व्यक्तिहरुलाई कारबाही नभएसम्म आन्दोलन जारी राख्ने डा.कृष्ण गुप्ताले बताए । नेपालको विभिन्न मेडिकल कलेजमा अध्ययनरत विद्यार्थीहरुको सहभागितामा प्रदर्शन गरिएको गुप्ताको भनाइ छ ।

चिकित्सकमाथि कुटपिट गर्नेलाई कारबाही नगरिए देशभर आन्दोलन गर्ने चेतावनी उनीहरुले दिएका छन । कुटपिटको विरोधमा प्रदर्शन डा. कौसर आलम ,डा .गोपाल ,डा.सोनु लगायतको सहभागिता रहेको थियो ।