मुटु अस्पतालका चिकित्सकसहित रुपन्देहीमा ५३ जनामा कोरोना संक्रमण

बुटवल– गौतम बुद्ध सामुदायिक मुटु अस्पतालका चिकित्सकसहित रुपन्देहीमा ५३ जनामा कोरोना संक्रमण देखिएको छ ।

अस्पतालका चिकित्सकसहित बुटवल उपमहानगरपालिका भित्रमात्रै ३५ जनामा कोरोना पुष्टी भएको बुटवल उपमहानगरपालिका, स्वास्थ्य शाखा प्रमुख कुन्दरकुमार सिंहले बताए ।

पछिल्लो २४ घण्टामा जिल्लामा ६ वटा स्थानीय तहमा ३१ पुरुष र २२ महिला गरी ५३ जनामा संक्रमण पुष्टि भएको स्वास्थ्य कार्यालय रुपन्देहीले जनाएको छ ।

योसँगै रुपन्देहीमा संक्रमितको संख्या ८ सय १३ पुगेको छ । जस मध्ये ३ सय ५१ जाना कोरोना भाइरस मुक्त भैसकेका छन् भने ४सय ५५ जना उपचाररत छन् । कोभिड–१९ का कारण ७ जनाले ज्यान गुमाइ सकेका छन् ।