दुर्घटनाका घाइते कोरोना संक्रमित पुरुषको बाँकेमा मृत्यु

बुटवल—टिप्पर दुर्घटनाबाट गम्भीर घाइते भएका अर्घाखाँचीका एकजना कोरोना संक्रमित पुरुषको बाँकेमा मृत्यु भएको छ । गत साउन २७ गते टिप्पर दुर्घटनामा परी घाइते भएका उनी युनिभर्सल मेडिकल कलेज शिक्षण अस्पताल भैरहवामा भर्ना भएका थिए ।

उनको स्वाव परीक्षण गर्दा ५ भदौंमा कोरोना पुष्टि भएको थियो ।

कोरोना पुष्टि भएपछि भैरहवास्थित भिम अस्पताल पठाइएकोमा भिम अस्पतालले ९ भदौंमा कोहलपुर रेफर गरेको थियो । उनी ११ भदौंमा मात्र नेपालगंज अस्पताल पुगेको बताइएको छ ।

अर्घाखाँची सितगंगा १२ का ४२ वर्षीय ती पुरुषको मंगलबार विहान मृत्यु भएको स्वास्थ्य कार्यालय बाँकेका कोरोना फोकलपर्सन नरेश श्रेष्ठले बताए ।