सिरहाका कोरोना संक्रमित महिलाको धनुषामा मृत्यु

जनकपुर-सिरहाका थप एक कोरोना संक्रमित महिलाको मृत्यु भएको छ । सिरहाको बन्दिपुर घर भएकी ३२ वर्षीया महिलाको मृत्यु भएको हो ।

ज्वरो आएपछि महिलालाई जनकपुरस्थित काब्या अस्पताल जनकपुरमा भर्ना भएकी थिइन् । अस्पतालमै पीसीआर परीक्षण गर्दा मृतक महिलालाई कोरोना पुष्टि भएपछि प्रादेशिक अस्पताल जनकपुरमा सारिएको थियो ।

उपचारकै क्रममा उनको आईतवार मृत्यु भएको प्रादेशिक अस्पतालका कोरोना फोकल पर्सन डाक्टर जामुन सिंहले वताए ।