सिरहामा १५ जना थुनुवा र १० सेना सहित ३१ जनामा संक्रमण पुष्टि

जनकपुर – सिरहामा आज १५ जना कैदीवन्दी सहित ३१ जनामा कोरोना संक्रमण पुष्टि भएको छ । गजेन्द्रनायण सिंह सगरमाथा अञ्चल अस्पताल राजविराजको ल्यावमा गरिएको परीक्षणमा सिरहा कारागारका १५ जना, चोहर्वा व्यारेकका १० जना, लक्ष्मीपुर पतारी गाउँपालिकामा १ जना र लहान नगरपालिकाको ५ जना सहित ३१ जनामा संक्रमण पुष्टि भएको हो ।

संक्रमण पुष्टि भएका सबैको स्वास्थ्य अवस्था सामान्य रहेको छ । संक्रमित सबैलाई आइसोलेसन वाडमा लैजाने तयारी भइरहको सिरहाका प्रमुख जिल्ला अधिकारी प्रदिपराज कँडेलले बताए ।